“Şalke” klubunda noyabr ayının ən yaxşı futbolçusu müəyyənləşib.
Corner.az xəbər verir ki, bu, türkiyəli müdafiəçi Ozan Kabakdı.
O, azarkeşlər arasında aparılan sorğuda 48 faizlik səs çoxluğu ilə digər komanda yoldaşlarını qabaqlayıb. 19 yaşlı futbolçu Benito Raman (31 faiz), Armine Harit (11 faiz), Daniel Kaliqiurini (10 faiz) geridə qoyub.
Ozan bu mövsüm “Şalke”nin heyətində 13 oyuna çıxıb. Türkiyəli futbolçu bu oyunlarda 3 qol vurub və 1 məhsuldar ötürmə ilə yadda qalıb.
