Almaniya kubokunda 1/4 final mərhələsinin oyunlarına start verilib.
Corner.az xəbər verir ki, ilk oyun günündə iki qarşılaşma baş tutub.
“Saarbrüken”lə öz meydanında “Fortuna” ilə qarşılaşıb. Matçın əsas vaxtında qalib müəyyənləşməyib – 1:1. Əlavə vaxtda da qapılara qol vurulmadığından, penaltilər seriyasına ehtiyac duyulub. 11 metrlik zərbələri daha dəqiq yerinə yetirən “Saarbrüken” yarımfinala yüksəlib.
Günün digər matçında isə “Bavariya” səfərdə “Şalke”nin qonağı olub və minimal hesabla qalib gələrək növbəti mərhələyə çıxıb.
Son iki oyunda “Bayer” “Yunion”la, “Ayntraxt” “Verder”lə mübarizə aparacaq.
Almaniya kuboku
1/4 final
3 mart
Saarbrüken – Fortuna 1:1 (penaltilər 7:6)
Qol: Yanik, 31 – Yorgensen, 90.
Şalke – Bavariya 0:1
Qol: Kimmix, 40.
