Almaniya hamımız üçün ən yaxşı nümunə olacaq - Çeferin

UEFA prezidenti Aleksandr Çeferin Almaniya çempionatında mövsümün bərpası qərarını şərh edib.

Corner.az "Marca"ya istinadən xəbər verir ki, o, bununla bağlı deyib: "Bu, öyrəşdiyimiz həyata qayıdış yolunda böyük və pozitiv addımdır. Mövsümün bərpası haqqında qərar  futbol hakimiyyətinin və  siyasətçilər arasındakı konstruktiv dialoqun və diqqətli planlaşdırmanın nəticəsidir. Əminəm ki, həyəcan, duyğu və gözlənilməzliyi ilə futbolun həyatımıza qayıdışı ilə əlaqədar Almaniya hamımız üçün ən yaxşı nümunə olacaq. Bu, böyük uğurun bütün iştirakçılarına uğurlar arzulayıram".

Qeyd edək ki, koronavirus səbəbindən təxirə salınan Almaniya Bundesliqası mayın 16-da "Borussiya" (Dortmund) - "Şalke" görüşü ilə bərpa olunacaq.(qol)