“Bavariya” Almaniya Bundesliqasının 28-ci turu çərçivəsində səfərdə “Borussiya”sını məğlub edib – 1:0.
Corner.az xarici mətbuata istinadən xəbər verir ki, sözügedən matç “Bavariya”nın qapıçısı Manuel Noyer üçün əlamətdar olub.
Belə ki, “Borussiya” ilə görüş 34 yaşlı qolkiperin Bundesliqadakı 400-cü oyunu olub.
Qeyd edək ki, Noyerdən başqa, Almaniya Bundesliqasında hazırda karyerasını davam etdirənlər arasında 400 və daha çox oyun keçirən sadəcə iki futbolçu var. Bunlar “Verder”dən Klaudio Pisarro (487) və “Yunion”dan Kristian Gentnerdir (402).