Bavariya çempion oldu

Almaniya Bundesliqasında 32-ci turun oyunlarına start verilib.

Corner.az xəbər verir ki, ilk oyun gününə 4 görüş keçirilib.

Ən maraqlı matç Bremendə baş tutub. Burada “Verder” öz meydanında lider “Bavariya”nı qəbul edib. Münhen klubu bu görüşdə 1:0 hesabı ilə qələbə qazanaraq sona iki tur qalmış çempionluğu rəsmiləşdirib. Bununla da komanda ardıcıl 8-ci, tarixində isə 30-cu dəfə ölkə çempionu olub.

Qeyd edək ki, “Bavariya”nın 76, 2-ci pillədə olan Dortmund “Borussiya”nın 66, 3-cü yerdə olan "Leyptsiq”in  isə 62 xalı var.

 16 iyun

Almaniya Bundesliqa

"Verder" - "Bavariya" - 0:1
Qol: Levandovski, 43

“Borussiya” (Münhenqladbax) – “Volfsburq” – 3:0
Qollar: Hofmann, 11, 30, Stindl, 65

"Frayburq" - "Herta" - 2:1
Qollar: Qrifo, 61 (1:0), İbişeviç, 66-pen (1:1), Peterson, 71 (2:1)

"Union Berlin" - "Paderborn" - 1:0
Qol: Zolinski, 27-avtoqol