Nazarovun komandası yenə uduzdu

Almaniya 2-ci Bundesliqasında 32-ci turun oyunları keçirilib.

Corner.az xəbər verir ki, millimizin yarımmüdafiəçisi Dmitri Nazarovun çıxış etdiyi “Ersgebirge” öz meydanında “Boxum”la üz-üzə gəlib. Futbolçumuzun komandası bu oyunda məğlub olub – 1:2.

Nazarov start heyətdə meydana çıxıb və 90+4-cü dəqiqədə əvəzlənib. Aue təmsilçisinin yeganə qolunu da 90+5-ci dəqiqədə məhz Nazarovu əəvəzləyən Nyeqos Kupusoviç qeyd edib. Millimizin üzvü isə 73-cü dəqiqədə sarı vərəqə alıb.

Qeyd edək ki, 32 turdan sonra 41 xala malik “Ersgebirge” 18 kollektiv arasında 10-cu pillədə qərarlaşıb.