İspaniya millisinin və “Volfsburq” klubunun yarımmüdafiəçisi İqnasio Kamaço karyerasını başa vurub.
Corner.az xəbər verir ki, bu barədə Bundesliqa klubunun rəsmi saytı məlumat yayıb.
30 yaşlı futbolçunun bu qərarı verməsinə səbəb ağır zədə ilə üzləşməsi olub. İspaniyalı futbolçu bu səbəbdən 3 il idi futbol oynaya bilmirdi.
Xatırladaq ki, Kamaço 2017-ci ildə “Volfsburq”un “Hannover”lə oyununda sol ayağından ağır zədə almışdı. O, bu zədə ilə əlaqədar indiyə qədər beş əməliyyat keçirib. Lakin yarımmüdafiəçi 3 illik mübarizədən sonra karyerasını bitirməyi üstün tutub.
“Volfsburq” Kamaço ilə müqaviləyə qarşılıqlı razılıq əsasında xitam verildiyini açıqlayıb. Lakin o, klubda qalacaq və Almaniya təmsilçisinə fərqli formada xidmət edəcək.
Kamaço 2017-ci ildə “Volfsburq”a keçmişdi.
