“Borussiya Dortmund" klubu ciddi itki ilə üzləşib.
Corner.az xəbər verir ki, Dortmund təmsilçisinin yarımmüdafiəçisi Torqan Hazard sıradan çıxıb.
27 yaşlı futbolçu Münhenqladbax “Borussiya”sına qarşı keçirdikləri Bundesliqa matçında (3:0) zədələnib.
Klubun mətbuat xidmətinin yaydığı məlumata görə, belçikalı futbolçu bir neçə həftə komandasına kömək edə bilməyəcək.
Qeyd edək ki, Belçika yığmasının da üzvü olan Hazard Dortmund klubuna 2019-cu ilin yayında Münhenqladbax “Borussiya”sından transfer olunub.