"Bavariya”nın hücumçusu Robert Levandovski Bundesliqada yeni rekorda imza atıb.
Corner.az xəbər verir ki, polşalı futbolçu ilk 5 turda 10 qol vurmaqla çempionatın tarixinə düşüb.
İndiyədək heç bir futbolçu startda belə məhsuldar olmayıb. 32 yaşlı futbolçu buna 5-ci turun “Ayntraxt”la görüşündə (5:0) het-trik edərək imza atıb.
Levandovski Bundesliqada 11-ci dəfə het-trik edib. O, bu göstəricidə turnirin 4-cü oyunçusudur. Yalnız üç futbolçu Levandovskidən daha çox het-trik edib. Əfsanəvi Herd Müller əlçatmazdır – 32 dəfə. Klaus Fişer və Mario Qomesin aktivində isə 12 het-trik var.
