“Bavariya” klubu futbolçusu David Alabaya yeni müqavilə təklifini geri çəkib.
Corner.az Almaniya mətbuatına istinadən xəbər verir ki, 28 yaşlı müdafiəçi ilə şərtlərdə razılaşa bilməyən Münhen təmsilçisi müzakirələri dayandırmağı qərara alıb. Bu barədə klubun prezidenti Herbert Hayner məlumat verib:
“Biz ona çox yaxşı şərtlərlə müqavilə təklif etdik. Son görüşdə futbolçunun menecerinə oktyabrın sonuna qədər cavab istədiyimizi dedik, ancaq qərarı bildirmədilər. Bundan sonra təklifi tamamilə geri çəkməyə qərar verdik”.
Qeyd edək ki, Alabanın müqaviləsi mövsümün sonunda başa çatacaq.
