“Borussiya Dortmund"un futbolçusu Yussufa Mukoko Bundesliqanın tarixinə düşüb.
Corner.az xəbər verir ki, 16 yaşlı futbolçu komandasının “Herta” ilə qarşılaşdığı oyunun 84-cü dəqiqəsində Erlinq Halandın yerinə meydana daxil olaraq, Bundesliqada forma geyinən ən gənc futbolçu olub.
Bundan əvvəlki rekord türkiyəli futbolçu Nuri Şahinə aid idi. Nuri “Borussiya Dortmund” ilə Bundesliqadakı ilk matçına 16 yaş 335 günlüyündə çıxmışdı.
Qeyd edək ki, “Herta” – “Borussiya” matçı qonaqların 5:2 hesablı qələbəsiylə başa çatıb.
