"Bayer”in türk əsilli futbolçusu Kerem Demirbay koronavirusa yoluxub.
Corner.az xəbər verir ki, bu barədə klubun rəsmi saytı məlumat yayıb.
Məlumatda, 27 yaşlı futbolçunun COVİD-19 testinin pozitiv çıxdığı bildirilib. Komandadan təcrid edilən Demirbay evində karantinə alınıb. Digər bütün futbolçuların testinin nəticəsi neqativ çıxıb və onlar Bundesliqanın növbəti oyununda iştirak edə biləcəklər.
Qeyd edək ki, “Bayer” Bundesliqanın 10-cu turu çərçivəsində bu gün səfərdə “Şalke” ilə qarşılaşacaq
