“Bavariya” klubu ciddi itkilərlə üzləşib.
Corner.az xəbər verir ki, Münhen təmsilçisinin futbolçuları Xavi Martines və Jerom Boatenq sıradan çıxıb.
Sözügedən futbolçular Bundesliqanın 10-cu turunda “Leyptsiq”lə ev matçda (3:3) zədələnib.
Martines qarşılaşmanın əvvəlindəcə zədələnərək 25-ci dəqiqədə əvəzlənmişdi. Boatenq isə 84-cü dəqiqədə məcburi əvəzlənmişdi.
Baş məşqçi Hansi Flikin yerli mətbuata verdiyi məlumata görə, futbolçuların durumuna ətraflı tibbi müayinədən sonra aydınlıq gələcək.
