"Şalke”nin Almaniya Bundesliqasındakı qələbə həsrətinə son qoyulub.
Corner.az xəbər verir ki, bu gün öz meydanında “Hoffenhaym”ı qəbul edən sözügedən komanda 4:0 hesablı qələbə qazanıb.
Bununla da “Şalke”nin Bundesliqa çərçivəsində bir illik qələbə həsrəti bitib. Komanda bu müddət ərzində 30 matç idi qalib gələ bilmirdi.
“Şalke” sonuncu qələbəsini 2020-ci ilin 17 yanvarında Münhenqladbax “Borussiya”sı ilə oyunda qazanmışdı.
Bu qələbə sayəsində xal hesabını 7-yə çatdıran “Şalke” 18 kollektiv arasında 17-ci pillədə qərarlaşıb.
