“Borussiya Dortmund”un yarımmüdafiəçisi Ceydon Sanço Bundesliqanın tarixinə düşüb.
Corner.az xəbər verir ki, ingilis oyunçu, ölkə çempionatında 35 qol həddinə çatan ən gənc futbolçuya çevrilib.
20 yaşlı futbolçu son olaraq Bundesliqanın 22-ci turu çərçivəsində ötən gün səfərdə “Şalke" ilə matçda qol vurub.
Bu, onun Bundesliqadakı 35-ci qolu olub. Sanço Almaniya çempionatında bu qədər qol vurmağı bacaran ən gənc futbolçudur (20 yaş, 10 ay, 26 gün).
Qeyd edək ki, Ceydon Sanço 2017-ci ildən “Borussiya”da forma geyinir
