“Borussiya” (Dortmund) klubunun hücumçusu Erlinq Haland sıradan çıxıb.
Corner.az xəbər verir ki, norveçli futbolçu Bundesliqasının 24-cü turu çərçivəsində baş tutan “Bavariya” ilə səfər matçında zədələnib.
Haland, qarşılaşmanın 62-ci dəqiqəsində zədələnərək, meydanı tərk edib. 20 yaşlı futbolçunun son durumu tibbi müayinədən sonra bəlli olacaq.
Qeyd edək ki, “Bavariya” – “Borussiya” matçı meydan sahiblərinin qələbəsiylə başa çatıb. Dortmund təmsilçisinin hər iki qoluna ilk hissədə Haland imza atıb.
