Almaniya Bundesliqasında 27-ci turun oyunlarına start verilib.
Corner.az xəbər verir ki, ilk oyun günündə 7 qarşılaşma keçirilib.
Turnir cədvəlinin 5-ci pilləsində yer alan “Borussiya Dortmund” bu turda Frankfurt “Ayntraxt”ı sınağa çəkib. Lakin üç qolun qeydə alındığı bu matçda qonaqlar qələbə qazanıb. “Volfsburq” “Köln”lə, autsayder “Şalke” isə “Bayer”lə qarşılaşıb. Bu oyunlarda qələbəni meydan sahibləri qazanıb.
Turun mərkəzi görüşündə lider “Bavariya” səfərdə ən yaxın izləyicisi “Leyptsiq”in qonağı olub. Görüş Münhen təmsilçisinin minimal hesablı qələbəsi ilə yekunlaşıb.
Almaniya Bundesliqası
27-ci tur
3 aprel
Ayqsburq – Hoffenhaym 2:1
Qol: Varqas, 8. Han, 23 – Skov, 86.
Bayer – Şalke 2:1
Qol: Alario, 26. Şik, 72 – Huntelar, 81.
Borussiya (Dortmund) – Ayntraxt 1:2
Qol: Hummels, 45 – Şults, 11-öz qapısına. A.Silva, 87.
Maynts – Arminiya 1:1
Qol: Brosinski, 56 – Voqlzammer, 76.
Volfsburq – Köln 1:0
Qol: Brekalo, 69.
Leyptsiq – Bavariya 0:1
Qol: Qoretska, 38.
Borussiya (Münhenqladbax) – Frayburq 2:1
Qol: Turam, 53; 60 – Sallai, 10.