Bundesliqanı tərk edəcək ilk klub bəlli oldu

Almaniya Bundesliqasını tərk edəcək ilk komandanın adına aydınlıq gəlib.

Corner.az xəbər verir ki, “Şalke” cari mövsümün sonunda Bundesliqa ilə vidalaşacaq.

Sözühedən komanda Almaniya çempionatının 30-cu turunda səfərdə “Arminiya”ya 0:1 hesabı ilə uduzub. Beləliklə, 13 xalla sonuncu pillədə olan “Şalke” yarışın bitməsinə 4 tur qalmış 17-ci yerdə qərarlaşan “Köln”lə xal fərqinin 13-ə çatmasına şərait yaradıb. Bu isə o deməkdir ki, sözügedən komanda qalan bütün oyunlarından qalib ayrılsa belə, yenə elitadakı yerini qoruya bilməyəcək.

Qeyd edək ki, “Şalke” son 33 ildə ilk dəfə elitanı tərk edəcək. Bu komanda 1981, 1983 və 1988-ci ildən sonra 4-cü dəfə əsas Bundesliqadakı yerini qoruya bilməyib və ikinci Bundesliqaya düşüb.