Bundesliqa klubu azarkeşləri polisə şikayət edir

 "Şalke" klubu azarkeşləri barədə polisə şikayət edəcək.

Corner.az klubun rəsmi saytına istinadən xəbər verir ki, buna səbəb fanatların futbolçulara hücum etməsi olub.

"Şalke" Bundesliqanın 30-cu turunda "Arminiya"ya 0:1 hesabı ilə uduzaraq, 1988-ci ildən sonra ilk dəfə əsas çempionatla vidalaşacaq. Oyundan sonra azarkeşlər futbolçulara yumurta atıb və onlardan bir neçəsinə hücum edib.

Nəticədə klub məşqləri aprelin 26-da bərpa etməyi qərara alıb. "Şalke" məsələ ilə bağlı istintaqa kömək edəcəyini də açıqlayıb.

Qeyd edək ki, "Şalke" turnir cədvəlində 13 xalla 18-ci pillədə qərarlaşıb. Komanda sona 4 tur qalmış 16-cı sıradakı "Herta"dan 13 xal geridədir.