İldə 60 qol vuran futbolçunu kim satar?

 “Bavariya” klubunun prezidenti Karl-Haynts Rummenigge komandadan ayrılacağı iddia olunan Robert Levandovski ilə bağlı açıqlama verib.

Corner.az xarici mətbuata istinadən xəbər verir ki, Rummenigge, polşalı hücumçunun komandada qalacağını bildirib:

“Levandovskinin ayrılacağını heç düşünmürəm. Onun satacağımızı kim deyib? İldə 60 qol vuran futbolçunu kim satar? Meneceri də bizə Levandovskinin komandadan ayrılmaq haqda düşünmədiyini deyib”.

İngiltərə mətbuatı Levandovskinin Premyer Liqa klublarından birinə transfer olunacağını iddia edir.

2014-cü ildən “Bavariya”da çıxış edən Levandovski, Münhen təmsilçisində 327 rəsmi oyunda 292 qol vurub. 32 yaşlı hücumçunun klubla müqaviləsi 2023-cü ilin yayına qədərdir.