“Borussiya Dortmund”un hücumçusu Erlinq Haland Almaniya Bundesliqasında yeni rekorda imza atıb.
Corner.az xəbər verir ki, norveçli futbolçu buna mövsümün sonuncu – 34-cü turu çərçivəsində baş tutan “Bayer”lə ev oyununda nail olub.
Komandasının 3:1 hesabıyla qələbə qazandığı matçda Haland, dubla edib. Beləliklə, gənc hücumçu Bundesliqada vurduğu qolların sayını 40-a çatdırıb. Norveç millisinin üzvü Almaniya çempionatında 40 qol vurmağı bacaran ən gənc (20 yaş, 305 gün) futbolçu olub.
