Mətbuatın təzyiqlərindən karyeramı bitirirdim

Almaniyanın “Borussiya” klubunun futbolçusu Yussufa Mukoko maraqlı açıqlama verib.

Corner.az xarici mətbuata istinadən xəbər verir ki, 16 yaşlı hücumçu, mətbuatın təzyiqləri onu karyerasını bitirmək həddinə gətirdiyini deyib:

“Mətbuatda mənim haqqımda çox şeylər yazılırdı. Yaşımın daha çox olduğunu iddia edir, üstümə çox gəlirdilər. Həmin o anlar çox stresli vaxtlar idi. Bu iddialara görə futbolu atmağı, karyeramı başa vurmağı düşünürdüm. Ancaq klub rəhbərliyi və baş məşqçimiz mənə dəstək olaraq bu fikrimi dəyişdirdi. Meydanda sərgilədiyim oyunumla bütün hər şeyi unutdura bildim”.

Almaniya millisinin üzvü ötən ilin yayından “Borussiya”nın əsas komandasında çıxış edir. O, Bundesliqada ötən mövsüm 14 oyunda 3 qol vurub.