Almaniyanın Qərb Regional Liqasında 6-cı turun oyunları keçirilib. Corner.az xəbər verir ki, Azərbaycan yığmasının sabiq hücumçusu Rüfət Dadaşovun çıxış etdiyi “Şalke”nin ikinci komandası da növbəti matçına çıxıb.
Sözügedən kollektiv səfərdə “Rödinqhauzen”un qonağı olub. Futbolçumuzun komandası bu oyunda məğlubiyyətlə üzləşib - 0:1.
Rüfət bu oyunun iştirakçısı olmayıb. Onun adı komandanın iştirak ərizəsinə də daxil edilməyib.
“Şalke II” hazırda 7 xalla 20 kollektiv arasında 12-ci pillədə qərarlaşıb.
