Almaniyanın Qərb Regional Liqasında 10-cu turun oyunları keçirilib. Corner.az xəbər verir ki, Azərbaycan yığmasının sabiq hücumçusu Rüfət Dadaşovun çıxış etdiyi “Şalke”nin ikinci komandası da növbəti matçına çıxıb.
Sözügedən kollektiv səfərdə “Vuppertaler”in qonağı olub. Futbolçumuzun komandası bu oyunda məğlubiyyətlə üzləşib - 0:3.
Rüfət də bu oyunun iştirakçısı olub. O, komandasının start heyətində meydana çıxıb və sonadək mübarizə aparıb.
“Şalke II” bu nəticədən sonra 11 xalla 20 kollektiv arasında 12-ci pillədə qərarlaşıb.
