- Almaniya B.L.
- 20:28 17.10.2024
Almaniya Futbol İttifaqı "Ersgebirge" klubunun futbolçusu Klemens Fandrixi sərt cəzalandırıb.
Corner.az-ın məlumatına görə, buna səbəb 30 yaşlı hücumameylli yarımmüdafiəçinin "İnqolştatd"ı 1:0 hesabı ilə məğlub etdikləri II Bundesliqanın 11-ci tur matçında yan xətt hakiminə tüpürməsi olub. Nəticədə təcrübəli oyunçu 7 ay müddətinə futboldan diskvalifikasiya edilib.
Bu, Almaniya futbolu tarixində ən ağır 2-ci cəza hesab olunur. Daha əvvəl 2012-ci ildə "Herta"nın sabiq futbolçusu Levan Kobiaşvili "Fortuna" ilə pley-off qarşılaşmasından sonra referiyə yumruqla zərbə endirdiyi üçün 7,5 aylıq cəzalanmışdı.
Qeyd edək ki, "Ertsgebirge" klubunda Azərbaycan millisinin keçmiş yarımmüdafiəçisi Dmitri Nazarov da çıxış edir.