Almaniyanın “Borussiya” (Dortmund) klubunun futbolçusu Cud Bellingem cərimələnib. Corner.az xəbər verir ki, ingiltərəli yarımmüdafiəçi Bundesliqanın 14-cü turunda “Bavariya”ya uduzduqları (2:3) oyundan sonra hakimlərlə mübahisə etdiyi üçün 40 min avro məbləğində cərimələnib.
Bu barədə Almaniya Futbol Federasiyasının mətbuat xidməti məlumat yayıb.
18 yaşlı futbolçu “Bavariya” ilə matçdan sonra baş hakim Feliks Zvayer haqda mübahisəli penalti təyin etdiyi üçün bunları söyləyib:
“Qərarlarla razı deyiləm. Oyunda verilən qərarlara yenidən baxa bilərsiz. Almaniyadakı ən böyük maraq olan oyuna daha əvvəl adı danışılmış oyunlarda hallanan bir hakim verilir, bundan artıq nə gözləyirsiz?”
