Futbol üzrə Almaniya 2-ci Bundesliqasında 17-ci turun oyunları keçirilib. Corner.az xəbər verir ki, Azərbaycan milli komandasının yarımmüdafiəçisi Dmitri Nazarovun formasını geyindiyi “Ersgebirge” də növbəti matçına çıxıb.
Aue təmsilçisi doğma meydanda Drezden “Dinamo”sunu qəbul edib. Futbolçumuzun komandası bu oyunda minimal hesabla məğlub olub – 0:1.
Nazarov da bu matçın iştirakçısı olub. O, start heyətdə meydana çıxıb və sonadək mübarizə aparıb.
17 oyuna 14 xal toplamış “Ersgebirge” 18 kollektiv arasında 16-cı pillədə qərarlaşıb.