- Almaniya B.L.
- 14:40 04.12.2025
Almaniyanın "Bavariya" klubunun futbolçusu Robert Levandovski "Mançester Yunayted" klubunda çıxış edən Kriştiano Ronaldonun rekordunu təkrarlayıb.
Corner.az-ın məlumatına görə, polşalı hücumçu buna evdə Bundesliqanın 17-ci tur matçında "Volfsburq"a 4:0 hesabı ilə qalib gəldikləri görüşdə fərqlənməklə nail olub.
Qarşılaşmanın 87-ci dəqiqəsində rəqib qapısına yol tapan 33 yaşlı hücumçu bir təqvim ilində bütün turnirlər daxil olmaqla 69-cu qolunu vuraraq portuqaliyalı oyunçuya çatıb. Bu il ölkə çempionatında qollarının sayını 43-ə çatdıran Levandovski Almaniya millisinin əfsanəvi hücumçusu Gerd Müllerin 1972-ci ildəki rekordunu (42 qol) yeniləyib.
Qeyd edək ki, bir təqvim ilində vurulan qolların sayına görə rekord hazırda Fransa PSJ-sinin formasını geyinən Lionel Messiyə məxsusdur.
