Almaniyanın “Bavariya” klubunda koronavirusa kütləvi yoluxma qeydə alınıb. Matc.az xəbər verir ki, bu barədə klubun rəsmi saytı məlumat yayıb.
Məlumatda, qapıçı Manuel Noyer, müdafiəçi Omar Riçards, yarımmüdafiəçilər Kinqsli Koman və Korenten Tolissonun koronavirus testlərinin nəticəsinin pozitiv çıxdığı vurğulanıb. Onlarla yanaşı, baş məşqçinin köməkçisi Dino Topmöllerdə də infeksiya aşkarlandığı bildirilib.
Yoluxanların özlərini yaxşı hiss etdikləri və evdə təcrid olunduqları diqqətə çatdırılıb.
