Alcacer Bayern'ə qarşı oynayacaq?

Borussia Dortmund Almaniya Bundesliqasının 28-ci turunda səfərdə Bayern Munich'lə qarşılaşacaq.

Corner.az xəbər verir ki, Dortmund klubu bu matça ciddi itkiylə çıxa bilər. Bu barədə komandanın baş məşqçisi Lucien Favre klubun saytına açıqlamasında bildirib. O, hücumçu Paco Alcacerin “Bayern” ilə oyunda iştirakının sual altında olduğunu bildirib:

“Hələ ki, nəsə demək çətindir. Alcacerin kiçik problemi var. Ancaq oyunda iştirak edə bilər. Onun son vəziyyəti oyun günündə dəqiq bilinəcək”.

Qeyd edək ki, “Bayern Munich” – “Borussia” oyunu sabah, saat 20:30-da başlayacaq.