Almaniyanın “Bavariya” klubunun hücumçusu Tomas Müller yeni rekorda imza atıb. Corner.az xəbər verir ki, 32 yaşlı futbolçu Bundesliqanın 18-ci turu çərçivəsində qarşılaşdıqları Mönhenqladbax “Borussiya”sı ilə oyunda meydana çıxmaqla Münhen təmsilçisinin heyətində ən çox oyun keçirən futbolçuya çevrilib.
Almaniyalı futbolçu, meydan oyunçuları arasında rekordçuluğu ələ keçirib. O, “Bavariya”nın heyətində indiyə qədər 608 matça çıxıb.
“Bavariya”da Müllerdən daha çox oyun keçirən cəmi iki futbolçu var ki, onlar da komandanın sabiq qapıçılarıdır. Belə ki, Oliver Kan vaxtilə bu komandada 632, Zepp Mayer isə 702 rəsmi matça çıxıb.
