Klub rəhbərliyini təhqir edən baş məşqçi qovuldu

Almaniya Regional Liqasında çıxış edən "Aalen" komandasının baş məşqçisi Uve Volf istefaya göndərilib.

Corner.az klubun rəsmi saytına istinadən xəbər verir ki, buna səbəb 54 yaşlı mütəxəssisin klub rəhbərliyini təhqir etməsi və digər intizamsız davranışları olub.

Almaniyalı baş məşqçinin işçilərə hədə-qorxu gəldiyi, sponsorlara qarşı zorakılıq etdiyi, klubun imicinə zərər vuran ifadələr işlətdiyi, rəhbərliyin göstərişlərinə tabe olmadan mediaya bilərəkdən yalan məlumatlar verdiyi bildirilib.

Qeyd edək ki, Uve Volfu "Aalen"in baş məşqçi postunda müvəqqəti olaraq Kristian Demirtaş əvəzləyib.