Almaniya Bundesliqasında 23-cü tura yekun vurulub. Corner.az xəbər verir ki, sonuncu oyun günündə üç qarşılaşma baş tutub.
Ötən tur məğlubiyyətlə üzləşən “Bavariya” bu dəfə evdə autsayder “Qroyter”i qəbul edib. Münhen təmsilçisi bu oyunda darmadağınla qalib gəlib.
Dortmund “Borussiya”sı bu turda Mönxenqladbax “Borussiya”sını qəbul. Bu oyunda da meydan sahibləri darmadağınla qələbə qazanıb.
Turun son matçı isə “Herta” evdə “Leypsiq”i qəbul edib. Yeddi qolun qeydə alındığı bu görüşdə isə meydan sahibləri darmadağına üzülüb.
Almaniya Bundesliqası
23-cü tur
18 fevral
Maynts – Bayer 3:2
Qol: Martin, 57. Boetiuus, 84. İnqvartsen, 88 – Şik, 35. Alario, 74.
19 fevral
Arminiya – Union Berlin 1:0
Qol: Okuqava, 53.
Auqsburq – Frayburq 1:2
Qol: Qreqoritş, 16 – Petersen, 4. Şlotterbek, 26.
Volfsburq – Hoffenhaym 1:2
Qol: Vind, 36 – Larsen, 73. Kramariç, 78.
Ştutqart – Bohum 1:1
Qol: Bella, 56-öz qapısına – Louen, 90+4-pen.
Köln – Ayntraxt 1:0
Qol: Modeste, 84.
20 fevral
Bavariya – Qroyter 4:1
Qol: Levandovski, 46; 82. Qrisbek, 61-öz qapısına. Şupo-Motinq, 90+1 – Hrqota, 42.
Borussiya (Dortmund) – Borussiya (Mönxenqladbax) 6:0
Qol: Roys, 26; 82. Malen, 32. Volf, 70. Mukoko, 74. E.Can, 90+1.
Herta – Leypsiq 1:6
Qol: Yovetiç, 48 – Henriks, 20. Nkunku, 64; 67. Olmo, 75. Haydara, 82. Poulsen, 89.
