Almaniya Bundesliqasının 23-cü turunda Dortmund “Borussiya”sı Mönxenqladbax “Borussiya”sı üzərində 6:0 hesablı qələbə qazanıb. Corner.az xəbər verir ki, görüş Dortmund təmsilçisinin futbolçusu Marko Roys üçün əlamətdar olub.
32 yaşlı yarımmüdafiəçi karyerasında ilk dəfə 5 qolda yaxından iştirak edib. Görüşdə dubla imza atan Roys 3 məhsuldar ötürmə ilə yadda qalıb.
Bundan əvvəl “sarı-qaralar”ın heyətində vaxtilə Pyer-Emerik Obameyanq 5 qolun fəal iştirakçısı olub. O, 2016-cı ildə “Hamburq”la oyunda belə uğura imza atıb.
Marko Roys cari mövsümdə bütün turnirləri nəzərə alsaq, keçirdiyi 33 oyunda 13 qol və 13 məhsuldar ötürmə müəllifi olub. Almaniyalı hücumçunun Dortmund “Borussiya”sıyla müqaviləsi 2023-cü ilin yayında başa çatacaq.
