"Bavariya"nın hücumçusu Tomas Müller koronavirusa yoluxub. Corner.az xəbər verir ki, bu barədə Münhen klubunun rəsmi saytı məlumat yayıb.
33 yaşlı futbolçudan götürülmüş COVİD-19 testinin nəticəsi pozitiv çıxıb. Bu səbəbdən evində karantinə alınan alman futbolçunun xəstəliyi simptomsuz keçirdiyi bildirilib. O, fevralın 26-da Bundesliqa çərçivəsində baş tutacaq “Ayntraxt”la oyunu buraxacaq.
Müller bu mövsüm Almaniya çempionatında meydana çıxdığı 23 qarşılaşmada 7 qola imza atıb.
