Almaniyanın Qərb Regional Liqasında 27-ci turun oyunları keçirilib. Corner.az xəbər verir ki, Azərbaycan yığmasının hücumçusu Rüfət Dadaşovun çıxış etdiyi “Şalke”nin ikinci komandası da növbəti matçına çıxıb.
Sözügedən kollektiv doğma meydanda “Essen”i qəbul edib. Futbolçumuzun komandası bu oyunda məğlubiyyətlə üzləşib – 1:2.
Rüfət də bu oyunun iştirakçısı olub. O, start heyətdə meydana çıxıb və sonadək mübarizə aparıb. Azərbaycan millisinin sabiq üzvü 6-cı dəqiqədə sarı vərəqə ilə də cəzalanıb.
“Şalke 2” bu nəticədən sonra 31 xalla 20 kollektiv arasında 11-ci pillədə qərarlaşıb.
