Futbol üzrə Almaniya 2-ci Bundesliqasında 25-ci turun oyunları keçirilib. Corner.az xəbər verir ki, Azərbaycan milli komandasının yarımmüdafiəçisi Dmitri Nazarovun şərəfini qoruduğu “Ersgebirge” də növbəti matçına çıxıb.
Aue təmsilçisi doğma meydanda “Regensburq”u qəbul edib. Futbolçumuzun komandası bu oyunda minimal hesabla qələbə qazanıb - 1:0.
Nazarov da bu matçın iştirakçısı olub. O, start heyətdə meydana çıxıb və 79-cu dəqiqədə əvəzlənib. Komandasının vurduğu yeganə qolun məhsuldar ötürməsini də Dmitri verib.
25 oyuna 19 xal toplamış “Ersgebirge” 18 kollektiv arasında 17-ci pillədə qərarlaşıb.
