“Bavariya” klubunun yarımmüdafiəçisi Coşua Kimmix koronavirusa qarşı peyvənd olunub. Corner.az “Bild”ə istinadən xəbər verir ki, keçən il noyabrın sonunda 26 yaşlı futbolçu koronavirusa yoluxub və onun ağciyərində problemlər yaranıb. Xəstəlikdən sonra alman futbolçu peyvənd olunmaq qərarına gəlib.
Xatırladaq ki, Kimmix ötən ilin oktyabrında peyvənddən imtina etdiyinə görə tənqid olunmuşdu.
