Futbol üzrə Almaniya 2-ci Bundesliqasında 32-ci turun oyunları keçirilib. Corner.az xəbər verir ki, Azərbaycan milli komandasının yarımmüdafiəçisi Dmitri Nazarovun çıxış etdiyi “Ersgebirge” də növbəti matçına çıxıb.
Sözügedən komanda səfərdə “Darmştadt”ın qonağı olub. Futbolçumuzun komandası bu oyunda darmadağına üzülüb - 0:6.
Nazarov da bu matçın iştirakçısı olub. O, start heyətdə meydana çıxıb və sonadək mübarizə aparıb.
32 oyuna 23 xal toplamış “Ersgebirge” 18 kollektiv arasında 17-ci pillədə qərarlaşıb.
