Futbol üzrə Almaniyanın Qərb Regional Liqasında 37-ci turun oyunları keçirilib. Corner.az xəbər verir ki, Azərbaycan yığmasının hücumçusu Rüfət Dadaşovun çıxış etdiyi “Şalke”nin ikinci komandası da növbəti matçına çıxıb.
Sözügedən kollektiv səfərdə “Uerdingen”in qonağı olub. Dadaşovun komandası bu oyundan qələbə ilə ayrılıb – 4:3.
Rüfət də bu oyunun iştirakçısı olub. O, 74-cü dəqiqədə meydana buraxılıb. Komandasının sonuncu qoluna da məhz azərbaycanlı futbolçu imza atıb. Dadaşov 80-ci dəqiqədə fərqlənməklə komandasına vacib qələbə qazandırıb.
“Şalke 2” bu nəticədən sonra 44 xalla 20 kollektiv arasında 11-ci pillədə qərarlaşıb.
