Almaniyanın ikinci Bundesliqasında mövsümün çempionu müəyyənləşib. Corner.az xəbər verir ki, yarışın qalibi “Şalke” olub.
Sözügedən komanda buna 33-cü turda “Sankt Pauli”ni məğlub etməklə (3:2) nail olub. “Şalke” bununla da sona 1 tur qalmış xallarının sayını 62-yə çatdırıb və ən yaxın izləyicisi “Hamburq”u 5 xal qabaqlayıb.
Gelzenkirxen təmsilçisi çempionluqla yanaşı, növbəti mövsüm üçün əsas Bundesliqaya vəsiqəni də təmin edib.
Xatırladaq ki, "Şalke" ötən mövsüm Bundesliqadan aşağı liqaya yuvarlanmışdı.
