Çempion doğma meydanda xal itirdi

Almaniya Bundesliqasında 33-cü turun oyunlarına yekun vurulub. Corner.az xəbər verir ki, sonuncu oyun günündə üç qarşılaşma baş tutub.

Çempionluğu təmin edən “Bavariya” bu turda doğma meydanda “Ştutqart”la qarşılaşıb. Dörd qolun qeydə alındığı bu oyunda qalib müəyyənləşməyib.

Mönxenqladbax “Borussiya”sı səfərdə “Ayntraxt”ın qonağı olub. Bu görüşdə də qalib müəyyənləşməyib

“Leypsiq” isə doğma meydanda “Auqsburq”u qəbul edib və  4 cavabsız qolla qələbə qazanıb.

Almaniya Bundesliqası
33-cü tur

6 may

Bohum – Arminiya 2:1
Qol: Polter, 22. Bello, 89-öz qapısına – Nilsson, 35.

7 may

Qroyter – Borussiya (Dortmund) 1:3
Qol: Nqankam, 70 – Brandt, 26; 72. Passlak, 77.

Köln – Volfsburq 0:1
Qol: Gerhardt, 43.

Frayburq – Union Berlin 1:4
Qol: Holer, 59 – Promel, 11. Trimmel, 30. Bekker, 41. Şafer, 90.

Hoffenhaym – Bayer 2:4
Qol: Rutter, 22. Baumqartner, 36 – Şik, 34; 76. Diabi, 73. Alario, 90+1.

Herta – Maynts 1:2
Qol: Selke, 45+5 – Vidmer, 25. Bell, 81.

8 may

Ayntraxt – Borussiya (Mönxenqladbax) 1:1
Qol: Pasiensiya, 66 – Plea, 4.

Bavariya – Ştutqart 2:2
Qol: Qnabri, 35. Müller, 44 – Tomas, 8. Kalaydziç, 52.

Leypsiq – Auqsburq 4:0
Qol: A.Silva, 40. Nkunku, 48; 57. Forsberq, 64.