- Almaniya B.L.
- 20:28 17.10.2024
Futbol üzrə Almaniya 2-ci Bundesliqasında 2021/22 mövsümünə yekun vurulub.
Corner.az xəbər verir ki, Azərbaycan milli komandasının yarımmüdafiəçisi Dmitri Nazarovun çıxış etdiyi “Ersgebirge” də mövsümün sonuncu matçına çıxıb.
Sözügedən komanda 34-cü tur çərçivəsində səfərdə Drezden “Dinamo”sunun qonağı olub. Futbolçumuzun komandası bu oyundan minimal hesablı qələbə ilə ayrılıb – 1:0.
Nazarov da bu matçın iştirakçısı olub. O, start heyətdə meydana çıxıb və sonadək mübarizə aparıb.
34 oyuna 26 xal toplamış “Ersgebirge” mövsümü 18 kollektiv arasında 17-ci pillədə tamamlayıb. Bu üzdən komanda aşağı liqaya yuvarlanıb.
Nazarov geridə qalan mövsümdə meydana çıxdığı 30 oyunda 4 qola imza atıb.