Futbol üzrə Almaniya Super Kubokunun qalibi müəyyənləşib. Corner.az xəbər verir ki, həlledici oyunda Bundesliqanın sonuncu qalibi “Bavariya" ilə Almaniya kubokunun sahibi “Leypsiq” komandaları üz-üzə gəlib.
"Redd Bul Arena"da baş tutan qarşılaşmada qapılara 8 qol vurulub. Rəqibini 5:3 hesabıyla məğlub edən Münhen təmsilçisi Super Kubokun qalibi olub.
Beləliklə, “Bavariya” ardıcıl 3-cü, bütövlükdə isə 10-cu dəfə Almaniya Super Kubokunun qalibi olub.
