Futbol üzrə Almaniya kubokunda 1/32 final mərhələsinin oyunları keçirilib. Corner.az xəbər verir ki, Azərbaycan yığmasının yarımmüdafiəçisi Dmitri Nazarovun formasını geyindiyi “Ersgebirge” də yeni mövsümdə ilk matçına çıxıb.
Aue təmsilçisi doğma meydanda Bundesliqa iştirakçısı “Maynts”ı qəbul edib. Görüş elita təmsilçisinin 3:0 hesablı qələbəsiylə yekunlaşıb. Beləliklə, “Ersgebirge” Almaniya kubokuyla erkən vidalaşmalı olub.
Nazarov da bu matçın iştirakçısı olub. Komandasını kapitan kimi meydana çıxaran yarımmüdafiəçi 79-cu dəqiqədə əvəzlənib. O, 61-ci dəqiqədə sarı vərəqə ilə də cəzalanıb.
