Futbol üzrə Almaniya 3-cü liqasında 5-ci turun oyunları keçirilib. Corner.az xəbər verir ki, Azərbaycan millisinin yarımmüdafiəçisi Dmitri Nazarovun formasını geyindiyi “Ersgebirge” də növbəti matçına çıxıb.
Sözügedən kollektiv səfərdə “Saarbrüken”in qonağı olub. Futbolçumuzun komandası bu oyundan heç-heçə ilə ayrılıb - 0:0.
Nazarov da bu matçin iştirakçısı olub. O, 70-ci dəqiqədə meydana buraxılıb, 90+2-də isə sarı vərəqə ilə cəzalanıb.
“Ersgebirge” 5 turdan sonra 3 xalla 20 kollektiv arasında 16-cı pillədə qərarlaşıb.
