Futbol üzrə Almaniyanın Qərb Regional Liqasında 6-cı turun oyunları keçirilib. Corner.az xəbər verir ki, Azərbaycan yığmasının hücumçusu Rüfət Dadaşovun forma geyindiyi “Şalke”nin ikinci komandası da növbəti matçına çıxıb.
Sözügedən kollektiv doğma meydanda “Kaan-Marienborn”u qəbul edib. Futbolçumuzun komandası bu oyunda məğlubiyyətlə üzləşib - 1:2.
Rüfət də bu oyunun iştirakçısı olub. O, start heyətdə meydana çıxıb və 64-cü dəqiqədə əvəzlənib.
“Şalke”nin ikinci komandası 6 turdan sonra 7 xalla 18 kollektiv arasında 10-cu pillədə qərarlaşıb.