Almaniyanın “Borussiya” (Dortmund) klubu ciddi itki ilə üzləşib. Corner.az xəbər verir ki, Bundesliqa təmsilçisinin kapitanı Marko Roys sıradan çıxıb.
33 yaşlı yarımmüdafiəçi Bundesliqanın 7-ci turu çərçivəsində baş tutan “Şalke” ilə oyunda zədələnib. Almaniyalı oyunçu matçın ilk yarısında aldığı ağır zədə səbəbindən 32-ci dəqiqədə meydanı xərəkdə tərk etmək məcburiyyətində qalıb.
“Borussiya” bu gün futbolçunun durumu ilə bağlı məlumat yayıb. Məlumatda, Roysun zədə səbəbindən 3-4 həftə yaşıl meydanlardan kənarda qalacağı vurğulanıb.
“Borussiya” “Şalke” ilə oyundan 1:0 hesablı qələbə ilə ayrılıb.
