“Leypsiq” klubunun futbolçusu Timo Verner komandanın tarixinə düşüb. Corner.az xəbər verir ki, 26 yaşlı hücumçu buna Bundesliqanın 8-ci turu çərçivəsində “Bohum”u 4:0 hesabı ilə məğlub etdikləri oyunda nail olub.
Bu qarşılaşmada dubla imza atan almaniyalı oyunçu komandanın heyətində 100 qol həddini aşan ilk oyunçu olub.
Xatırladaq ki, Timo Verner avqustun əvvəlində İngiltərənin "Çelsi" klubundan Bundesliqa təmsilçisinə qayıdıb. Hücumçu 2016-2020-ci illər aralığında “Leypsiq”in formasını geyinib.
