Futbol üzrə Almaniya millisinin və “Bavariya”nın qapıçısı Manuel Noyer sıradan çıxıb. Corner.az xəbər verir ki, bu barədə 36 yaşlı qolkiper “İnstagram” hesabında yazıb. O, paylaşımında xizək sürən zaman ayağının sındığını vurğulayıb.
Bu səbəbdən də Noyer əməliyyat olunduğunu və əməliyyatın yaxşı keçdiyini bildirib. Lakin təcrübəli oyunçu bu mövsümün sonunadək komandasına kömək edə bilməyəcək.
Almaniya yığması DÇ-2022-də E qrupunu 4 xalla üçüncü sırada başa vurub və mübarizəni erkən dayandırıb. Noyer məhz Qətərdən qayıtdıqdan sonra belə aqibətlə üzləşib.